Оҕо босуобуйатыгар — 3 миллиард солкуобай

Бөлөххө киир:

3-7 саастаах оҕолорго бэриллэр ыйдааҕы төлөбүргэ 3,017 миллиард солкуобай көрүлүннэ. Ол туһунан Үлэ, социальнай сайдыы министиэристибэтэ иһитиннэрэр.

Балаҕан ыйын 21 күнүнээҕи туругунан, 60 тыһыынча дьиэ кэргэн сайаапка биэрбититтэн, 42 370 оҕоҕо босуобуйа бэриллэр буолла. Тоҕо диэтэххэ, дьиэ кэргэн хас биирдии киһитигэр тиксэринэн, тиийинэн олоруу алын кээмэйиттэн кыра дохуоттаах ыалларга биэрэллэр. Саха сиригэр тиийинэн олоруу алын кээмэйэ – бастакы зонаҕа 20 044 солкуобай, иккис зонаҕа – 16 780 солкуобай.

Оттон босуобуйа кээмэйэ оҕолорго тиийинэн олоруу алын кээмэйин аҥаарын саҕа: бастакы зонаҕа – 10 274 солкуобай, иккис зонаҕа – 8651 солкуобай.

Босуобуйаны ыларга докумуоннары хомуйсар ирдэммэт. Сайабылыанньаны эрэ суруйуохха наада. Докумуоннары социальнай көмүскэл уорганнара атын тэрилтэлэртэн (Биэнсийэ пуондата, нолуок сулууспата, ИДьМ, ЗАГС, о.д.а.) бэйэлэрэ хомуйаллар.

Ангелина Васильева, «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0