Үөһээ Бүлүүгэ Мэйик сүрүн оскуолатыгар «Инникигэ хардыы» диэн үөрэнээччилэргэ сэргэх, интэриэһинэй научнай-практическай кэмпириэнсийэ буолан ааста.
Оскуола оҕолоро бу улахан тэрээһиҥҥэ үс бөлөҕүнэн кытыннылар. Барыта 27 оҕо дакылаат аахта. Бастакы бөлөххө 1 миэстэни 2 кылаас үөрэнээччитэ Талбан Федоров («Боевой путь моего прадеда». Сал. Васильева Е.Н.) ылла. 2 миэстэҕэ 4 кылааска үөрэнэр Айна Есеева (» Секреты красок», салайааччы Евсеева И.М.) таҕыста. 3 бириистээх миэстэҕэ 1 кылааска үөрэнэр Саина Максимова («Вред пластиковых бутылок», салайааччы Максимова А. Ф.), Николаев Андриан (4 кылаас, тиэмэтэ «Төлө туппат төрүт сирбит Сис Мэйигэ», салайааччы Федоров В. А.) тиксэн үөрүү-көтүү буолла. Иккис бөлөххө 1 миэстэ — Петя Николаев (5 кылаас, тиэмэтэ «Символ солнца в язычестве», салайааччы Саввинов Н. А) 2 миэстэ — Чириков Эрчим (5 кылаас, тиэмэтэ
«Указатель географических объектов Мэйикского наслега», салайааччы Чириков И.П.) 3 миэстэ — Семенова Дарина (5 кылаас, тиэмэтэ «Социокультурные факторы влияющие на выбор клички собак», салайааччы Федорова А.Н.) буоллулар. Үһүс бөлөххө 8-9 кылаастар кытыннылар. Манна 1 миэстэни Егорова Сардаана (9 кылаас, тиэмэтэ «Мем как способ интернет коммуникации», салайааччы Федорова А.Н.), 2 миэстэни Спиридонова Туйаара (8 кылаас, тиэмэтэ «Бөҕө Боотур курун кылынан хатыы», салайааччы Иванова А.В.), 3 миэстэни Николаев Андрей (8 кылаас, тиэмэтэ «Лесные пожары как часть экологической проблемы», салайааччы Федоров Г.П.) ыллылар.
Оҕолор нууччалыы, сахалыы икки тылынан олус интэриэһинэй дакылааттары аахтылар. Алын сүһүөх кылааска 11 оҕо, 1 кылаастан 7 оҕо, 2 кылаастан 1 оҕо, 4 кылаастан 3 оҕо, орто бөлөххө 8 оҕо, үөһээ бөлөххө 8 оҕо кыттыыны ыллылар. Кыайыылаахтар грамоталарынан, сэмэй бириистэринэн наҕараадаланнылар. Бастаабыттар кыһыл көмүс мэтээл иилиннилэр, кыттыбыттарга шоколад бэрилиннэ. Оҕолор ситиһиилэриттэн үөрэн-көтөн, астынан тарҕастылар.
Күөн күрэскэ кыттыбыттарга, кыайыылаахтарга, оҕолоро миэстэлэспит учууталларга истиҥ эҕэрдэлэр, махтал тыллар ананнылар. Кыайыылар өссө да кыайыылар кэлэ турдунар.
Маныаха маҥнайгы кылааска үөрэнэр оҕолор төрөппүттэрэ өйөбүл, тирэх буолбуттара, оҕолорун бэлэмнээн кытыннарбыттара улахан махталлаах. Инникитин да бу курдук ыкса үлэлэһиэхтэрэ диэн эрэнэбит.
Валентина Попова,
Мэйик, Үөһээ Бүлүү