Нюргуяна Владимирова: “Хамсыгынан хаттаан ыалдьыахтарын сөп”

Ааптар: 
16.11.2020
Бөлөххө киир:

Өрөспүүбүлүкэтээҕи клиническэй балыыһа кылаабынай бырааһын клинико-экспертнэй үлэҕэ солбуйааччыта хамсыгынан ыалдьыбыт дьон хаттаан ыалдьарын туһунан иһитиннэрдэ.

edersaas.ru

Быраас социальнай ситиминэн быһа сибээскэ тахсан, хамсык кэмигэр үлэ туһунан кэпсээтэ,  нэһилиэнньэ ыйытыытыгар хоруйдаата. “Дьон хаттаан ыалдьыбыт хас даҕаны түгэнэ бэлиэтэнэр. Ол эбэтэр, хаттаан ыалдьыбат туһугар син биир туох баар харыстанар миэрэлэри тутуһуохтаах”, — диэн эттэ.

Кулун тутартан тустаах балыыһаҕа 3500 ыарыһах сытан ааспыт. 18-тан 59-гар диэри саастаах 1992 киһи, 60-тан үөһэ саастаах — 1100 киһи. Ити ыарыһах сүрүн ахсааныттан 30 бырыһыана буоларын иһитиннэрдэ.

132 быраас, 146 орто идэлээх үлэһит уонна 118 алын персонал үлэлиириттэн, 100-чэкэ үлэһит хамсык дьаҥар хаптарбыт. Ити быһа холоон 25 бырыһыаҥҥа тэҥнэһэр.

Нюргуяна Владимирова дьон эппиэтинэһэ суох сыһыаннаһарын, билигин даҕаны мааска, бэрчээкки кэтэр эрэсиими тутуспатын, чугас дьоммут ыалдьара дуу, ыалдьыбата дуу, бэйэбититтэн тутулуктааҕын санатта.

Людмила ПОПОВА, “Саха сирэ” хаһыат, edersaas.ru

Хаартыска: hightech.fm

+1
0
+1
0
+1
0
+1
0
+1
0
+1
0
+1
0