Баартыйа киин ситэриилээх кэмитиэтигэр аны күһүҥҥү быыбардарга анаммыт мунньах буолла. Олорго бэлэмнэнэн, ыам ыйыгар ыытыллар барыллаан куоластааһыҥҥа кимнээҕи хандьыдаатынан туруорар туһунан кэпсэттилэр.
Роман Попов, “Саха сирэ” хаһыат, https://edersaas.ru
“Биир ньыгыл Арассыыйа” барыллаан куоластааһыны ыытыыга баай уопуттаах. Олоххо көдьүүстээҕин көрдөрбүт ньыманы салгыы булгуччу сайыннарыахха диэн баартыйа генеральнай сэбиэтин сэкирэтээрэ Сергей Неверов эттэ.
Судаарыстыбаннай Дуума былырыыҥҥы быыбарын праймериһин курдук, бары регионнарга барыллаан куоластааһын ыам ыйын бүтүүтэ, биир күн ыытыллыаҕа. Ол чопчу болдьоҕун олунньу 7 күнүгэр буолар генеральнай сэбиэт президиумун мунньаҕар быһаарыахтара.
Мунньахха дойду субъектарын үрдүкү дуоһунастарын быыбарыгар бииргэ үлэлээһиҥҥэ баартыйа олохтоох, бастакы сүһүөх тэрилтэлэрин күүскэ кытыннарар туһунан этии киирэн, салгыы регионнары кытта дьүүллэһиллиэҕэ.
Роман Попов, “Саха сирэ” хаһыат, https://edersaas.ru