Муус устар 9 күнүгэр өрөспүүбүлүкэ 33 улууһугар аны күһүн, балаҕан ыйыгар, олохтоох бэйэни салайыныы уорганнарын быыбарыгар “Биир ньыгыл Арассыыйа” баартыйа хандьыдааттарын сүүмэрдиир барыллаан куоластааһын ыытылынна. Барыллаан ааҕыынан, куоластааһыҥҥа 70 тыһыынча быыбарсык кытынна диэн буолла.
Роман Попов, “Саха сирэ” хаһыат, https://edersaas.ru
Барыллаан куоластааһын сорох улуустарга оройуон баһылыгын таһымыгар ыытылынна. Олорго кыайыылаахтарынан буоллулар: Владимир ПОСКАЧИН (Үөһээ Бүлүү), Василий ЛУКИН (Бүлүү), Гаврил ЧИРИКОВ (Дьааҥы), Николай СТАРОСТИН (Мэҥэ Хаҥалас), Леонид КИМ (Ньурба), Михаил ЗАХАРОВ (Өймөкөөн), Евгений СЛЕПЦОВ (Орто Халыма), Яков СТЕПАНОВ (Томпо).
“Биир ньыгыл Арассыыйа” баартыйа Саха сиринээҕи салаатын сэкирэтээрэ Александр НОГОВИЦЫН иһитиннэрбитинэн, Саха сирин 33 улууһугар буолбут барыллаан куоластааһыҥҥа быыбардааччы 19,86%, ол эбэтэр 70143 киһи кытынна, бары быыбар учаастактарыгар тэрээһин аһаҕастык ыытылларыгар бары усулуобуйа тэрилиннэ.
Билигин счетнай хамыыһыйалар бүлүтүөннэри ааҕаллар. Онон бүтэһиктээх түмүк бүгүн, бэнидиэнньик киэһэ, биллиэ.
Роман Попов, “Саха сирэ” хаһыат, https://edersaas.ru