Ньургун Антонов — норуоттар икки ардыларынааҕы мас тардыһыы күрэҕин чөмпүйүөнэ!
![](https://edersaas.ru/wp-content/uploads/2023/08/a343cebefedf4d4ce706c544c87a8bae-1-900x596.jpg)
Хаартыска: ХИФУ пресс - сулууспата.
Атырдьах ыйын 25 күнүгэр Уфа куоракка I норуоттар икки ардыларынааҕы успуорт төрүт уонна олимпийскай буолбатах көрүҥнэригэр «Навстречу Евразиаде» оонньуулар түмүктэннилэр.
Бу күрэхтэһиигэ 27 дойдуттан 700 спортсмен кыттыыны ылла. М.К. Аммосов аатынан ХИФУ физическэй култуура уонна успуорт институтун төрдүс кууруһун устудьуона Ньургун Антонов 70 киилэҕэ мас тардыһыыга бастаата.
Физическэй култуура уонна успуорт институтун доцена Егор Кудрин этэринэн, спортсмен Арассыыйа сүүмэрдэммит хамаандатыгар дойду үрдүнэн ыытыллыбыт күрэҕи кыайан киирбит. Устудьуоннар мас тардыһыыга сылы устата»Юность» успуорт комплексыгар дьарыктаналлар. Онно мас тырдыһыыга дьарыктанарга туспа саала баар. Дьарыгы үрдүк таһымнаах тириэньэрдэр ыыталлар.
+1
4
+1
+1
+1
1
+1
1
+1
+1