Бүгүн, сэтинньи 18 күнүгэр, «Сахамедиа» медиа-киинигэр биллэр дуобатчыттар — аан дойду хас да төгүллээх чөмпүйүөннэрэ Ньургуйаана Азарова уонна Чжао Хальцин матч-реванштара буолла.
Ньургуйаана Дьокуускай куоракка «Сахамедиа» медиа-кииниттэн, оттон утарсааччыта Чжао Хальцин Кытай Ухань куоратыттан (Хубэй провинцията) оонньоотулар. Ньургуйаана Кытай спортсменын 2:0 ахсаанынан кыайда.
Күрэхтэһии тыҥааһыннаах буоллун диэн тэрийээччилэр бириэмэни кылгатан биэрдилэр, онон кыргыттар чаастан ордук дуобаттаатылар. Икки күүрүүлээх раунд кэнниттэн Ньургуйаана Азарова кыайыыны ситистэ. «Видео-форматынан күрэхтэһэргэ бастакы холонуум. Бу киирсии миэхэ биэс саамай тыҥааһыннаах оонньуубуттан биирдэстэрэ буолла. Чжао Ханьцин дуобаттыыр тиэхиньикэтин уларыппыт эбит«, — диэн Ньургуйаана СИА суруналыыһыгар санаатын үллэстибит.
edersaas.ru
Андрей Сорокин хаартыската.
+1
+1
+1
+1
+1
+1
+1