Ньурбалар  «Сахатранснефтегаз» АУо кытта нэһилиэнньэлээх пууннары гаастааһыҥҥа сөбүлэһии түһэристилэр

Бөлөххө киир:

Бүгүн өрөспүүбүлүкэ баһылыга Айсен Николаев Ньурба улууһугар үлэлиир. Ньурба улууһун дьаһалтата уонна  «Сахатранснефтегаз» АУо нэһилиэнньэлээх пууннары гаастааһыҥҥа сөбүлэһии түһэристилэр. 

Дойду Аҕа баһылыга Владимир Путин сорудаҕынан кэлиҥҥи сылларга социальнай гаастааһын бырагыраамата олоххо киллэриллэр.  Бу хайысханан быйыл улахан үлэ ыытылынна. Оройуоннааҕы былаастар эрэгийиэннээҕи операторы кытары социальнай гаастааһын бырагырааматын  олоххо  киллэриигэ  үлэни хаачыстыбалаахтык уонна былааннаахтык ыыталларыгар бүк эрэллээхпин», — диэн бэлиэтээтэ Айсен Николаев.

Оройуону гаастааһын Орто Түҥнээҕи гаас конденсаттаах сири сайыннарыы бырайыагын иитинэн ыытыллыаҕа.  Туһааннаах бырайыагы хампаанньа 2021 сыллааҕы  үп-хаһаайыстыбаннай үлэтин барыллаан түмүктэрин таһаарыыга уонна 2022 сыллааҕы былааны торумнааһын кэмигэр  дьүүллэспиттэрэ.

«Сахатранснефтегаз» АУо генеральнай дириэктэрэ Алексей Колодезников «Орто Түҥнээҕи ГКМ — Тамалакаан» магистральнай гаас ситимин бырайыактааһыҥҥа Ньурба куораты гаастааһын учуоттаныаҕын туһунан эттэ.

edersaas.ru

+1
0
+1
0
+1
0
+1
0
+1
0
+1
0
+1
0