Ньурбаҕа 11 киһи коронавирустаата

Ааспыт сууккаҕа Саха сиригэр өссө 220 киһи коронавируска сутулунна, ол иһигэр 50 дьаҥы илдьэ сылдьар киһи баар диэн СӨ Суһал ыстааба иһитиннэрэр.

Дьокуускай куоракка 120 киһи ыарыйда.

Улуустарга:

— Ньурбаҕа — 11 киһи;

— Алдаҥҥа, Уус Майаҕа — 7-лии киһи;

— Горнайга, Нерюнгрига, Өймөкөөҥҥө, Тааттаҕа — 6-лыы киһи;

— Бүлүүгэ, Мэҥэ Хаҥаласка — 5-тии киһи;

— Анаабырга, Эдьигээҥҥэ, Ленскэйгэ, Намҥа, Өлөөҥҥө, Хаҥаласка, Чурапчыга — 3-түү киһи;

— Аллайыахаҕа, Үөһээ Халымаҕа, Дьааҥыга, Кэбээйигэ, Өлүөхүмэҕэ, Сунтаарга, Уус Алдаҥҥа, Усуйаанаҕа — 2-лии киһи;

— Аммаҕа, Үөһээ Бүлүүгэ, Муомаҕа, Томпоҕо — 1-дии киһи.

Ааспыт сууккаҕа, хомойуох иһин, икки киһи тыына быһынна.

Өрөспүүбүлүкэ лабораторияларыгар бэҕэһээ 5 166 тест оҥоһуллубут. Дьаҥ туруоҕуттан 742 166 тесты быһаарбыттар.

edersaas.ru

Хаартыска — СИА.