Уопсастыба

Ньурба улууһун дьаһалтатын үлэһиттэрэ ыалга окко көмөлөһөллөр



Бу күннэргэ  улуус дьаһалтатын үлэһиттэрэ Киров ыалыгар окко көмөнү оҥордулар.

edersaas.ru

Дьаһалта үлэ харыстабылыгар кылаабынай исписэлииһэ Аким Канаев салалтатынан 8 киһи тиийэн, Янкова Туйаара Ивановна диэн 9 оҕолоох аҥаардас ийэҕэ от кэбиһистилэр. Бу ыал Володя диэн уоллаахтара быйыл 11 кылаас үөрэнээччитэ, уоннааҕыта бары кырылас кыргыттар. Дьаһалталар оҕолорго үөрэх дьыла чугаһаабытынан мааска, антисептик уонна фрукта кэһии таһааран улаханнык үөртүлэр.


Отчуттар 4 оту кэбиһэн, ыал тиэргэнин далыгар илдьэн түһэрдилэр. Итинэн Янковтар дьиэ кэргэттэрин отторун үлэтэ бүттэ, ынахтара уонна сылгылара кыстаан тахсарыгар сөптөөх от баар буолла. Кинилэргэ оҕолоро уонна аймах уолаттара кэлэн оттостулар. Улуус дьаһалтатын үлэһиттэрин кытта Кировка ыччат исписэлииһэ Сергей Тельнов кэлэн көмөлөстө.


Бу сайын улуус дьаһалтата тыаҕа тахсан дьоҥҥо дьылы быһаарар күүстээх от үлэтигэр номнуо иккис төгүлүн көмө-ньыма буоллулар. Бу иннинэ Үөдэйгэ Корниловтар дьиэ кэргэттэригэр тиийэн көмөлөспүттэрэ.

Улуус дьаһалтатын пресс-сулууспата

0
0

Санааҕын суруй