Аканаҕа «Саха сүөһүтэ» тэрилтэ саҥа хотоно үлэҕэ киирдэ

Бөлөххө киир:

Сүүс миэстэлээх сабыс-саҥа хотон Ньурба улууһун Акана сэлиэнньэтигэр тутулунна. Санатан этэр буоллахха, күһүн алтынньыга Аканаҕа 50 төбө саха төрүт сүөһүтэ Амма улууһун Болугуруттан, Нам улууһун Өргөлөөҕүттэн, Горнай Маҕараһыттан кэлбиттэрэ. Сүөһүлэри икки сиринэн хайытан ыыталаабыттара.   

Саҥа хотон аһыллыытыгар СӨ Тыатын хаһаайыстыбатын миниистирин солбуйааччы Николай Афанасьев, СӨ дьиэ уонна сир-уот сыһыаннаһыытыгар миниистири солбуйааччы Владимир Степанов, Ньурба улууһун баһылыга Алексей Иннокентьев, «Саха сүөһүтэ» тэрилтэ салайааччыта Александр Артемьев кыттыыны ыллылар.

Александр Артемьев тутуу бэдээрээччигэр, «Масстрой» тэрилтэҕэ (салайааччы Владислав Торохов) махталын тиэртэ:

—Комлпекс тутуута кылгас болдьох иһигэр түмүктэннэ. Владислав дьиҥ патриот киһи буоларын быһыытынан, биһиэхэ, биир дойдулаахтарыгар илиитин утары уунан, бэйэтин суотуттан сэндвич-панеллартан хотону тутта. Туруоруллубут сыалы, билигин уопсай күүһүнэн ситиһиэхпит – саха төрүт сүөһүтүн ууһатарга үлэлэһиэхпит, — диэтэ Александр Артемьев.

 Виктория Бястинова, edersaas.ru

+1
0
+1
0
+1
0
+1
0
+1
0
+1
0
+1
0