Ньурба тыйаатырын испэктээгэ «Кыайыы аартыктара» норуоттар икки ардыларынааҕы тыйаатырдар онлайн-марафоннарыгар кыайда

Ааптар: 
Бөлөххө киир:

А.Н.Островскай аатынан Димитровградскай драматическай тыйаатыр бырайыага 1941-1945 сылларга аан дойдуну аймаабыт Аҕа дойду сэриитигэр Улуу Кыайыы өрөгөйүгэр ананна.

Норуоттар икки ардыларынааҕы тыйаатырдар “Кыайыы аартыктара” диэн онлайн марафонугар Арассыыйа араас куораттарыттан барыта 20 тыйаатыр кытынна. Кыттыыны ылар испэктээктэри ыам ыйын 9-10 күннэригэр онлайн форматынан көрдөрбүттэрэ.

Саха сириттэн Ньурба көһө сылдьар тыйаатыра «Мария — Кыайыы саллаата» диэн моно-испэктээгинэн кыттыбыта.  Санатан эттэххэ «Мария — Кыайыы саллаата» пьесаны СӨ үтүөлээх артыыската Софья Сергучева-Баранова уонна эдэр суруйааччы Ангелла Попова Улуу Кыайыы 75 сылыгар анаан суруйбуттара. Дьиҥнээх олоххо тирэҕирэн суруллубут айымньыны СӨ култууратын туйгуна, режиссер Алгыс Макаров Ньурба тыйаатырын сыанатыгар туруорбута. Сүрүн оруолу эдэр артыыска Анисья Колесова толорор. Оператор Ньургун Михайлов, худуоһунньук Камилла Лебедева.

Норуоттар икки ардыларынааҕы “Кыайыы аартыктара” онлайн-марафон түмүгүнэн саамай элбэх куолаһы ылан “Мария – Кыайыы саллаата” испэктээк “Бастыҥ телеиспэктээк” уонна “Көрөөччү биһирэбилин бирииһэ” диэн анал ааттары ылары ситистэ.

Надежда Ильина, edersaas.ru

+1
0
+1
0
+1
0
+1
0
+1
0
+1
0
+1
0