Ньурба тыйаатырын дириэктэрэ Москваҕа ыҥырылынна

Бөлөххө киир:

Ньурбатааҕы көһө сылдьар судаарыстыбаннай драматическай тыйаатыр иһитиннэрбитинэн, ускуустуба үтүөлээх диэйэтэлэ, тыйаатыр дириэктэрэ, уус-уран салайааччыта Юрий Макаров «Арассыыйа кыра куораттарын тыйаатырдара: төгүрүк остуол, сэминээрдэр, лиэксийэлэр» бэһис форумҥа ыҥырылынна.

edersaas.ru

Форум кулун тутар 14-16 күннэригэр Москваҕа «Кыһыл көмүс мааска» бэстибээл куонкуруһу таһынан бырагырааматын чэрчитинэн ыытыллыаҕа.
«Кыһыл көмүс мааска» бэстибээл Елена уонна Геннадий Тимченколар аһымал пуондаларын кытары бииргэ ыытар бу тэрээһиннэригэр Юрий Алексеевич түөрт төгүл кыттыбыта.
Бырагыраама сыалынан-соругунан тыйаатыр дьыалатын тэрээһинигэр тирээн турар боппуруостарга кэпсэтиини таһаарыы буолар. Тэрийээччилэр кыра куораттар тыйаатырдарын болҕомтоҕо ылан, кинилэр ыраах-ыраах олорбуттарын да иһин ситимнэрин быспаттарыгар уонна тыйаатырдар күн аайы көрсөр боппуруостарын быһаарарга саҥа саҕахтары арыйалларыгар көмөлөһөллөр.


Манна даҕатан эттэххэ, Ньурба тыйаатырын испэктээкиллэрэ «Кыһыл көмүс мааска» бэстибээл экспертэрин болҕомтотун куруук ылаллар. 2017 сыллаахха Юрий Макаров туруорбут «Синиэл» испэктээкилэ ««Кыһыл көмүс мааска» XXIII бэстибээл «Маска Плюс» куонкуруһу таһынан бырайыагар кыттыбыта. Бу сыл эдэр режиссер Динислам Тууйас «Хааннаах сыбаайба» үлэтэ «Кыһыл көмүс мааска-2018» бириэмийэ лонг-лииһигэр киллэриллибитэ. Тыйаатыр өссө биир үлэтэ -– «Вера, или Нигилисты» испэктээкилэ эмиэ бириэмийэ лонг-лииһигэр 2020-2021 сыллар биллэр-көстөр испэктээкиллэрин быһыытынан биллэриллибитэ, идэлээх дьон олус улахан сыанабылын ылбыта.

Надежда ЕГОРОВА, «Саха сирэ» хаһыат, edersaas.ru

Хаартыскалар: тыйаатыр саайтыттан

+1
0
+1
0
+1
0
+1
0
+1
0
+1
0
+1
0