Ньурба тыйаатыра «Кыайыы аартыктара» диэн норуоттар икки ардыларынааҕы күрэскэ кыттар
Ньурба көһө сылдьар тыйаатыра «Мария — Кыайыы саллаата» диэн моно-испэктээгинэн норуоттар икки ардыларынааҕы тыйаатырдар «Кыайыы аартыктара» диэн онлайн-марафонугар кыттар.
«Мария — Кыайыы саллаата» пьесаны СӨ үтүөлээх атыыската Софья Сергучева-Баранова уонна эдэр суруйааччы Ангелла Попова Улуу Кыайыы 75 сылыгар анаан суруйбуттара. Дьиҥнээх олоххо тирэҕирэн суруллубут айымньыны СӨ култууратын туйгуна, режиссер Алгыс Макаров Ньурба тыйаатырын сыанатыгар туруорбута. Сүрүн оруолу эдэр артыыска Анисья Колесова толорор.
А.Н.Островскай аатынан Димитровградскай драматическай тыйаатыр бырайыага 1941-1945 сылларга аан дойдуну аймаабыт Аҕа дойду сэриитигэр Улуу Кыайыы өрөгөйүгэр ананар.
«Кыайыы аартыктара» онлайн-марафонун биэриитэ бу сигэлэринэн баар:
https://www.youtube.com/user/TheOKtravel
https://ok.ru/profile/457960116246
Көрөөччү куоластааһына ыам ыйын 11 күнүттэн Дьокуускай бириэмэтинэн 06:00 чаастан ыам ыйын 12 күнүгэр сарсыарда 06:00 чааска диэри ыытыллар.
Көрөөччүлэр куоластыыр сигэлэрэ: https://onlinetestpad.com/ktietl4tmewww
Ыам ыйын 13 күнүгэр Дьокуускай бириэмэтинэн түүн 01:00 чааска «Кыайыы аартыктара» норуоттар икки ардыларынааҕы театральнай онлайн-марафон түмүгүнэн кыайыылаахтары чиэстээһин үөрүүлээх быһыыга-майгыга буолуоҕа.
Норуоттар икки ардыларынааҕы онлайн-марафоҥҥа Саха сирин чиэһин көмүскүүр биир дойдулаахтарбытыгар Ньурба тыйаатырыгар, «Мария — Кыайыы саллаата» испэктээккэ куоластыырга ыҥырабыт!