Бу күннэргэ Ньурбаҕа көҥүл тустууга 1976 сыллааҕы Монреаллааҕы XXI Олимпийскай оонньуулар чөмпүйүөннэрэ, аан дойду, Европа чөмпүйүөнэ, ССРС спордун үтүөлээх маастара, Ил Түмэн дьокутаата Павел Пинигины кытта көрсүһүү ыытылынна. Бу туһунан улуустааҕы физическэй култуура уонна спорт управлениета иһитиннэрдэ.
Көрсүһүүгэ улуустаҕы спорт управлениетын салайааччыта Р.А. Алексеев, Ньурбатааҕы оҕо спортивнай оскуолатын директора С.А. Федоров уонна тустуу тириэньэрдэрэ, спортсменнар кыттыыны ыллылар. «Павел Павлович биһиги биир ытыктыыр, саха дьоно-сэргэтэ тумус туттар киһибитинэн буолар.
Кини бэйэтин бу үгүс сылларга үлэлээн кэлбит билиитин-көрүүтүн, оҕону хайдах дьарыктыыртан саҕалаан, республикабытыгар тустуу сайдыытын туһунан кэпсээн санаатын үллэһиннэ. Муус устар 16 күнүгэр Н.Н. Чусовской аатынан Антоновка орто оскуолатын үөрэнээччилэрин кытта көрсүһүү ыытыллыа»,— диэн улуустааҕы физическэй култуура уонна спорт управлениетын исписэлиистэрэ эбэн эттилэр.
edersaas.ru