Ньурба бу сарсыарда хаарга уһугунна

Ааптар: 
Бөлөххө киир:

Бүгүн сарсыарда Ньурба улууһугар хаар түһэн,  олохтоохтору соһутта.

edersaas.ru

Саха сирин үгүс улуустарыгар курдук, бу күннэргэ Ньурбаҕа сайыҥҥылыы сылаас күннэр турбуттар.

— Бэҕэһээ киэһэ тымныы тыаллаах этэ. Хаар түһүө эрэ дии санаабатахпыт. Сарсыарда уһуктубуппут — хаар бөҕө!

Күнүс хаар уулунна эрээри, халлаан туруга мөлтөх, тымныы. Сарсыарда икки кыраадыс тымныы этэ.

Билигин биэс эрэ кыраадыс сылаас, тымныы тыаллаах. Бу иннинэ сайыҥҥылыы күннэр турбуттара. Сайыммыт дьэ кэллэ диэн үөрбүппүт. Хаар түһүө диэн өйгө да суоҕа.

Хата, эмиэ да хаарбытын ахтыбыт эбиппит. Дьэ, онон Тускул тымныйыаҕа диэбитин илэ көрөн итэҕэйдибит.

Бу хаар аны эһиэхэ, киин улуустар олохтоохторугар тиийиэҕэ. Соһуйумаарыҥ, — диэн сэрэтэр Ньурба улууһун Чаппанда олохтооҕо Раиса Иванова.

Норуот синоптига Тускул сарсыҥҥыттан, ыам ыйын 19 күнүттэн, киин улуустарга биэс күн тымныйыаҕа диэн билгэлээбитэ. Онон сарсыҥҥы өрөбүл күн тыаҕа сынньана барааччылар, халыҥ таҥаскытын умнумаҥ. Хоту сиргэ  олоробут.

Елена ПОТОЦКАЯ, «Саха сирэ» хаһыат, edersaas.ru

Хаартыска — батсааптан.

+1
0
+1
0
+1
0
+1
0
+1
0
+1
0
+1
0