Сүөһү-сылгы этэҥҥэ турарын, ыалдьыбытын-сүппэтин туһугар бэтиринээрдэр бас билии көрүҥүттэн тутулуга суох бары хаһаайыстыбаларга сылдьан, эмтиир-сэтэрэр үлэ тиһигин тэрийэллэр.
Ньурба улууһун бэтиринээрдэрэ бу нэдиэлэҕэ лейкозка уонна бруцеллезка анаалыс оҥороору ынах сүөһүттэн хаан ыллыллар. Билиҥҥи туругунан 2 тыһ. 657 ынахтан ылыллыбыт хаан боруобатын лабораторияҕа чинчийдилэр. Маны таһынан сэллик ыарыыны утаыр сэрэтэр үлэни эмиэ ыыттылар.
Стронгилятоз, параскаридоз уо.д.а. курдук сылгыга үөскүүр үөнү түһэрэр укуолу биэриини эмиэ саҕалаатылар. Дьөһөгөй оҕотун иитиигэ идэтийэр хаһаайыстыбалар уонна биирдиилээн ыаллар бу дьаһал суолтатын өйдүүр буоланнар, сылгыларын бэлэмнээн көрсөллөр, үөнү утары аналлаах препараттары бэйэлэрэ атыылаһаллар. Муус устар ый 6 күнүнээҕи туругунан, 1 тыһ. 168 сылгыга укуол бэрилиннэ. Бу туһунан биһиэхэ Бэтиринээр департаменын пресс-сулууспатын үлэһитэ Татьяна Обулахова иһитиннэрдэ.
Раиса Сибирякова, Саха сирэ” хаһыат, edersaas.ru.
Сылгы үөрүн түһэрэр укуол
