Бүгүн киэһэ Ньурба улууһун баһылыга Алексей Иннокентьев Хаҥалас нэһилиэгэр кэлэн, балаһыанньаны билистэ. «Чугас нэһилиэктэртэн дьон көмөҕө кэллилэр. Эбиэт кэнниттэн нэһилиэккэ ЫБММ бөртөлүөтэ уот бара турар аһаҕас сиригэр уу кутар», — диэн иһитиннэрэр баһылык. Хаҥалас кэнниттэн муниципалитет салайааччыта Үөдэйгэ сырытта. Тыал күүһэ мөлтөөн, тыҥааһыны намыратта. Киэһэ баһаары утары үлэлиир түүҥҥү симиэнэ кэллэ. Кинилэргэ «Якутлесресурс» уонна «Авиалесоохрана» тэрилтэлэрин үлэһиттэрэ көмөлөһөллөр. Баһаарга ыарахан кыамталаах тиэхиньикэни тутталлар.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1