Ньурбаҕа түөрт киһи эчэйиилээх суол быһылаана таҕыста

Бөлөххө киир:

Олунньу 18 күнүгэр,  сарсыарда 5 чаас саҕана, Ньурба куоратыгар Степан Васильев уулуссаҕа суол быһылаана тахсыбытын туһунан иһитиннэрии ГИБДД иниспиэксийэтигэр  киирбит.


Бэрэбиэркэ түмүгүнэн биллибитэ, 1997 сыллааҕы төрүөх киһи  «Тойота Виста Ардео» массыынаны ыытан иһэн, уот остуолбатыгар кэлэн сааллыбыт.  Ол түмүгэр үс пассажира уонна бэйэтэ эчэйиини ылбыттар. 

 23 саастаах эдэр киһи ийэтигэр эппэккэ эрэ, ийэтин  массыынатын ылан баран, Дьаархантан Антоновкаҕа айаннаабыт. Уолаттарын көрсөн, хас да бааҥка пиибэни испиттэр. Өссө эбии аргы иһээри, Ньурба куорат баарыгар айаннаабыттар. Ол айаннаан иһэн саахалга түбэспиттэр. 

Суоппар массыына ыытар бырааба суоҕа быһаарыллыбыт. Билигин пассажирдара балыыһаҕа сыталлар. Оттон суоппар бэйэтэ реанимацияҕа.


edersaas.ru

+1
0
+1
0
+1
0
+1
0
+1
0
+1
0
+1
0