Ньурба улууһугар 10 чаастааҕы туругунан, 1942 киһи быыбардаата. Ньурбалар бүгүн улуус, 13 нэһилиэк баһылыгын уонна нэһилиэктэргэ барыларыгар, Ньурба куоратыгар дьокутааттарын талыахтара.
Аграфена КУЗЬМИНА, “Саха сирэ” хаһыат, edersaas.ru.
Ньурба улууһугар барыта 32 быыбардыыр учаастак арылынна. Улуус үрдүнэн 17864 быыбардааччы баар. Улуустааҕы быыбардыыр хамыыһыйа бэрэссэдээтэлэ Николай Семенов бэлиэтииринэн, барыллаан куоластааһын түмүгүнэн 703 киһи быыбарга кыттыбыт. Оттон бүгүн 10 чаастааҕы туругунан, 1942 киһи куоластаата. Ити быыбардааччы ахсааныттан 10,7 % ылар.
Кандидаттар
Быыбарга турбуттара:
Ыспыраапка быһыытынан эттэххэ, Ньурбаҕа улуус баһылыгын быыбарыгар барыта аҕыс хандьытаат турбута.
“Биир ньыгыл Россияттан” Ньурба куорат баһылыга Алексей Иннокентьев,
“Сиэрдээх Россияттан” урут баһылыктыы сылдьыбыт Борис Попов,
бэйэ туруорунуутунан Ньурба улууһунааҕы Баай-дуол, муниципальнай сакаас кэмититэтин бэрэссэдээтэлэ Андрей Антонов,
Дьаархан нэһилиэгин баһылыга Александр Иванов,
Ньурба улууһун баһылыгын солбуйааччынан үлэлии олорбут Иван Никифоров,
хандьытааттартан саамай эдэрдэрэ Иван Николаев,
“Интехстрой” САУо генеральнай дириэктэрин солбуйааччы Владимир Павлов,
“Энергоцентр” ААУо юриһа Анатолий Товаров.
Кинилэртэн Иван Николаев уонна Анатолий Товаров кыайан илии баттааһынын ааспакка регистрацияламматахтара. Оттон Борис Поповка дьыала тэриллэн, суутунан быыбарга кыттара көҥүллэммэтэҕэ. Онон билигин биэс хандьытаат илин-кэлин түсүһэ сылдьар.
Аграфена КУЗЬМИНА, “Саха сирэ” хаһыат, edersaas.ru.