Бу күннэргэ Ньурба улууһугар сыстыганнаах дьаҥ «хаайыытын» кэнниттэн өр кэмҥэ күүппүт, долгутуулаах «Тыа сирин туруга — сайдам олох төрдө» муниципальнай тэриллиилэр икки ардыларыгар ыытыллар бэстибээл бастакы спортивнай түһүмэҕэ ыытылынна.
Бу туһунан Чуукаартан Сэргэн Лэкээрин иһитиннэрэр: «Бастакы күөн-күрэскэ нэһилиэктэртэн икки ыччат саастаах, икки 65 саастарыгар диэри дьон «Хаамыска» уонна «Хабылык» түһүмэхтэргэ күөн көрүстүлэр.
Тыҥааһыннаах киирсии кэннэ кыра нэһилиэктэргэ үһүс миэстэни Хаҥалас, иккис миэстэни Сүлэ, бастакы миэстэни Дьиикимдэ нэһилиэктэрэ, улахан нэһилиэктэргэ үһүс миэстэҕэ Октябрьскай, иккис миэстэҕэ Күндээдэ, бастакы миэстэҕэ Маалыкай тигистилэр.
Күрэс сүрүн соруга — тыа сирин олохтоохторун сайдыыга, түмсүүгэ көҕүлээһин буолар. Дьэ, бу курдук улууспут аҕа баһылыга Алексей Иннокентьев уонна улуус дьаһалтатын үлэһиттэрэ тыа сирин сайдыытыгар туһуламмыт бэстибээллэрэ өссө да ситиһиилээхтик ыытыллан, дьону түмэ турдун диэн баҕа санаабытын тиэрдэбит».
Кырдьык, дьону түмэр тэрээһиннэр элбии турдуннар!
Елена ПОТОЦКАЯ.