Ньурбаҕа «Мин Ньурбаҕа төрөөтүм» диэн бэлэхтэри туттардылар

Ааптар: 
Бөлөххө киир:

Ньурба улууһугар өрөспүүбүлүкэҕэ Ийэ сылынан уонна улууска Уопсастыбаннай көҕүлээһиннэр сылларынан «Мин Ньурбаҕа төрөөтүм» диэн бырайыак үлэлиир. Бэҕэһээ, кулун тутар 25 күнүгэр, саҥа оҕоломмут ыалларга «Үйэ оҕолоро» хапытаал сэртипикээтин кытта «Мин Ньурбаҕа төрөөтүм» диэн бэлэхтэри туттардылар.

«Мин Ньурбаҕа төрөөтүм» бырайыагы «Арассыыйа ийэлэр» Ньурбатааҕы салаатын бэрэссэдээтэлэ Саргылаана Седалищева көҕүлээбитэ. «Ньурба улууһугар олорор уонна кулун тутар 1 күнүттэн күн сирин көрбүт оҕолоох ыалларга бу бэлэҕи туттарабыт. Ыал дохуотун көрбөппүт, барыларыгар биэрэбит», — диэн бэрэссэдээтэл кэпсиир.

Бэлэххэ саҥа төрөөбүт оҕоҕо саамай наадалаах маллар — плед, бытыылка, электроннай термометр, оонньуур, оҕо суута, орон таҥаһа, контейнер, прорезыватель, нагрудник, пустышка, ниблер уонна оҕо докумуоннарын паапката баар.

СИА.

+1
0
+1
0
+1
0
+1
0
+1
0
+1
0
+1
0