Тохсунньу 28 күнүгэр сарсыарда 7 чаас 30 мүнүүтэҕэ СӨ Быыһааччыларын сулууспатын Ньурбатааҕы салаатыгар суолга массыына алдьаммытын туһунан суһал иһитиннэрии киирбит.
Ньурба куорат уонна Малдьаҕар икки ардыгар «Хонда» массыына тоһуттар тымныыга умуллан хаалан, суоппар быыһааччыларга «112» нүөмэргэ эрийбит. Быыһааччылар тута Ньурбаттан 25 килэмиэтирдээх сиргэ алдьаммыт массыынаҕа тиийбиттэр. Таһырдьа -51 кыраадыс тымныйан, суоппар уонна икки пассажир күүскэ тоҥмуттар. Быыһааччылар массыыналарыгар киллэрэн итии чэй иһэрдэн баран, Ньурбаҕа илдьибиттэр.
Быыһаммыт дьон таҥастара чараас буолан, үлүйэ сыспыттар. Онон кыһыҥҥы тымныы күннэргэ, ыраах айаҥҥа турунуоххут иннинэ, тиэхиньикэҕитин көрүнүҥ диэн быыһааччылар сүбэлииллэр.
ЫБММ пресс-сулууспата