Ньурбаҕа Марха өрүс устатыгар сытар нэһилиэктэр ыраас уунан хааччыллар буоллулар
Марха өрүс көмүскээччилэрин уопсастыбаннай түмсүүтэ Ньурба улууһун Маалыкай, Марха нэһилиэктэрин олохтоохторун ыраас уунан хааччыллалларын туһугар туруорсуулара ситиһиилээхтик түмүктэммитин туһунан иһитиннэрэр.
Марха өрүс көмүскээччилэрэ Ньурба улууһугар Марха өрүскэ 2013 сылтан бары нэһилиэктэргэ үлэлээбэккэ турбут уу ыраастыыр ыстаансыйалары үлэлэтэр туһунан өрөспүүбүлүкэ Ил Дарханыгар, СӨ Бырабыыталыстыбатыгар, Ил Түмэҥҥэ, Ньурба улууһун, өрөспүүбүлүкэ айылҕаҕа харыстабылын прокуратураларыгар, Ньурба улууһун дьаһалтатыгар, улуустааҕы дьокутааттар сэбиэттэригэр элбэх туруорсуу үлэтин ыыппыттара. Бу хамасааһын туруорсуулара өйөбүл ылан, Маалыкайга, Малдьаҕарга, Чуукаарга, Өҥөлдьөҕө, Дьаархаҥҥа, Кировка уу ыраастыыр ыстаансыйалар иккис тыыннанан, олохтоохтору ыраас уунан хааччыйар буоллулар.
Бу күннэргэ Киров нэһилиэгэр уу ыраастыыр ыстаансыйа үлэтин саҕалаата. Олохтоохтор үөрүүлэрэ, махталлара муҥура суох.
Марха өрүс көмүскээччилэрин РОЭТ салайааччыта Любомир Николаевич Михайлов тэрээһиҥҥэ кыттыбыттары эҕэрдэлээтэ.
«Саха сирэ» хаһыат, edersaas.ru
Хаартыска: sakha.gov.ru