Ньурбаҕа Кыайыы болуоссатыгар тааҥка пааматынньыга турда!

Ааптар: 
Бөлөххө киир:

Ньурбаҕа Кыайыы күнүн көрсө Кыайыы болуоссатыгар тааҥка макета турда. Сэрии сылларыгар эттэринэн-хааннарынан сэрии ыар тыынын билбит, саа-саадах тутан хорсуннук сэриилэспит дьоммут билигин биһиги кэккэбитигэр суохтара хомолтолоох.

Аҕа дойду сэриитин ыар тыынын билбэтэх дьиэ кэргэн суоҕа да буолуо. Кырдьаҕаһыттан эдэригэр, оҕотуттан-эмэнигэр тиийэ бүттүүн сэрии кэмигэр фронт бары хайысхаларыгар, милитаристскай Япония сэриитигэр биир дойдулаахтарбыт кыттыбыттара.
Өрөгөйдөөх Улуу Кыайыы 76-с сылын бэлиэтээһинигэр Ньурба улууһун баһылыга Алексей Михайлович Иннокентьев, оройуон Сэбиэтин бэрэссэдээтэлэ Сергей Иванович Евсеев, «Ньурба куорат» МТ баһылыга Александр Игнатьевич Иванов, Ньурба улууһун коммунистарын ааттарыттан Татьяна Георгиевна Кардашевская, оройуон бэтэрээннэрин Сэбиэтин бэрэссэдээтэлэ Татьяна Прокопьевна Олесова, оройуон ыччаттарын ааттарыттан Роман Чумпуров Кыайыы болуоссатыттан кыайыыны уһансыбыт сэрии огдооболоругар, тыыл бэтэрээннэригэр, сэрии оҕолоругар, аҕам саастаах дьоҥҥо, эдэр көлүөнэ ыччаттарга анаан эҕэрдэ тыл эттилэр.


Оройуон баһылыга Алексей Иннокентьев:

Убаастабыллаах сэрии огдооболоро, тыыл, үлэ бэтэрээннэрэ, сэрии кэмин оҕолоро, эйэлээх халлаан анныгар олорор биир дойдулаахтарбыт! Фашистскай Германияны кыайбыт ытыктабыллаах бэтэрээннэрбитигэр ис сүрэхпититтэн муҥура суох махталбытын тиэрдэбит. Бүгүҥҥү күҥҥэ, хомойуох иһин, Ньурба улууһугар сэрии бэтэрээннэрэ биһиги кэккэбитигэр суохтар…

Ньурба улууһун дьаһалтатын пресс-сулууспата

+1
0
+1
0
+1
0
+1
0
+1
0
+1
0
+1
0