Ньурбаҕа «Культура малой Родины» диэн баартыйа бырайыага олоххо киирдэ
2020 сылга Ньурба улууһун икки нэһилиэгэ култуура дьиэлэрин материальнай-техническэй баазаларын тупсарыыга субсидия ылбыттара.
Акана нэһилиэгэр элбэх хайысхалаах култуура киинин эркиннэрин, тирэхтэрин саҥардан, бөҕөргөтөн оҥорбуттара. Көрөөччүлэр олорор саалаларын тупсаран, ититии ситимнэрин саҥардыбыттара. Уопсайа 1 590 171,49 солкуобайдаах (федеральнай бүддьүөттэн көрүллүбүт субсидия кээмэйэ 1 462 957,77 солк.) үлэ ыытыллыбыта.
Хаҥалас нэһилиэгин «Тойук»култуура дьиэтин материальнай-техническэй баазатын бөҕөргөтөн, 100 театральнай кириэһилэни уонна светодиоднай экраны атыылаһыыга 872 228,75 солк. көрүллүбүтэ.
«Баартыйа бырайыактара норуот туһугар үлэлииллэрин олохтоохтор итэҕэйдилэр. Былааннаммыт үлэ барыта оҥоһулунна», — диэн «Биир ньыгыл Арассыыйа» баартыйа Ньурбатааҕы салаатын сэкирэтээрэ Виктория Степанова эттэ.
edersaas.ru