СӨ тыатын хаһаайыстыбатын миниистирин бастакы солбуйааччы Петр Попов Саха сирин экэниэмикэтэ туруктаах сайдыытыгар суһал ыстаап бүгүҥҥү мунньаҕар ылыллыбыт быһаарыы туһунан билиһиннэрдэ.
edessaas.ru
— Өрөспүүбүлүкэҕэ көтөрү иитэр улахан хаһаайыстыбалар 2015 сылтан сыл аайы ылар көмөлөрүн суотугар сымыыт нэһилиэнньэҕэ сөбүгэр сыанаҕа атыыланар уонна хаһаайыстыбалар туруктаахтык үлэлиир этилэр. Ньурбатааҕы көтөр фабрикатыгар быйыл 57 мөл солк. көмө оҥоһуллубута. Ол гынан баран, дойдуга булкаас аһылыкка сыана үрдээн, эбии үп наада буолла. Онон, Тыа хаһаайыстыбатын министиэристибэтэ суһал ыстаап мунньаҕар эбии көмө боппуруоһун туруоруста.
Новосибирскайы кытары дуогабардаспыт сыанабыт үрдээн, ол суотугар ороскуот эмиэ үрдээтэ. Ол курдук 7 мөл 400 тыһ солк. эбии көмө көрдөөтүбүт. Итии этиибитин ыстаап ылынна уонна көтөр фабрикатыгар 7 мөл 400 тыһ солк. суумаҕа эбии көмө оҥоһуллуоҕа диэн эрэннэрдилэр, — диэн Петр Попов кэпсээтэ.
Надежда ЕГОРОВА, «Саха сирэ», edessaas.ru