Ньурба улууһун ватсаап бөлөхтөрүгэр “Эһэ оҕолоро маһы тоһуттулар” диэн хоһуйуулаах видео тарҕанна. Хатыы нэһилиэгин аттыгар видеоҕа устубуттар үһү диэннээх.
Кырдьык, үс эһэ оҕото биир синньигэс хахыйаххаүһүөн ытта оонньуу сылдьыбыттарыгар, мастара төрдүттэн тостон, бары сууллан түһэллэр. Көрдөххө, кырачаан эһэлэр эчэйбэтэхтэр. Дьон видео Ньурбаҕа ханна уһуллубутун туоһулаһаллар, “Быйылгы видео дуо?” диэн саарбахтыылларын биллэрэллэр. Ис дьиҥэр, саарбахтааһын оруннаах – ханна, хаһан буолбутун бу мессенджерга мэктиэлиир добуоччу уустук.
Бу видео төһө кырдьык буолуон сөбүн Ньурба улууһугар судаарыстыбыннай экологияҕа кэтэбилин салайааччыта Герасим Петрович Парниковтан туоһуластыбыт:
— Бу видеону бүгүн сарсыарда ыыппыттара. Хомойуох иһин, бу чопчу Ньурбаҕа уһуллубутун дуу, суоҕун дуу мэктиэлиир кыаҕым суох. “Чаастатык ыытыллар файл” диэн бэлиэлээх видео, ааптара биллибэт. Онон ханна, хаһан уһуллубута биллибэт. Биһиги улууспутугар эһэ үөскүүр, ыраах эрэ сытар нэһилиэктэргэ буолбатах. Быйыл киин нэһилиэктэр чугастарыгар эһэ үстэ дьон олорор сиригэр-уотугар чугаһаабыта бэлиэтэммитэ. Анал көҥүлүнэн иккитин булчуттар бултаабыттара. Эһэ үксүн саас торҕонноон уһуктан моһуоктааччы. Оччоҕуна сүөһүнү тыытар, нэһилиэктэргэ чугаһыыр.
Салгыы видео-устууну көрүҥ.
Хаартыска бу быһылааҥҥа сыһыана суох уус-уран айымньы vk.com/obrcrussia