СӨ Ил Дарханын Ыйааҕынан 2017 сыл Саха сиригэр Ыччат сылынан биллэриллэн элбэх үлэ ыытыллан түмүктэннэ. Саҥа 2018 сылы бу эйгэҕэ үлэни-хамнаһы өссө сэргэхситэр, улуус ыччатын түмэр, олоххо-үлэҕэ көхтөөх буолуутун күүһүрдэр соруктаах, улуус баһылыга Алексей Иннокентьев дьаһалынан «Улуустааҕы ыччат бэлиитикэтин салалтата» муниципальнай бүддьүөт тэрилтэтэ тэриллэн, киэҥ уонна кэскиллээх былааннардаах үктэннибит. edersaas.ru
Улуустааҕы ыччат бэлиитикэтин управлениетын бастакы улахан тэрээһининэн тохсунньу 13 күнүгэр Ньурба куорат «Кыталык» култуура дьиэтигэр Ыччат баала буолла. барыта уон нэһилиэк көхтөөх кыттыыны ылла. Үгэс быһыытынан Ыччат баала фойеҕа исписэлиистэр вальстарынан саҕаланна. Саалаҕа тэрээһин үөрүүлээх чааһыгар бастыҥ үлэлээхтэргэ улуус баһылыгын социальнай боппуруостарга солбуйааччы Анна Уларова уонна «Ньурба улууһун ыччат бэлиитикэтигэр салалтата» МКУ салайааччыта Нестер Пахомов наҕараадалары туттардылар.
Улуус баһылыгын Бочуотунай грамотатынан Ньурба куорат дьаһалтатын сүрүн исписэлииһэ Ф.С. Никифорова, Күндээдэ нэһилиэгин ыччат бэлиитикэтигэр исписэлииһэ О.В.Варламова, Антоновка орто оскуолатын английскай тылын учуутала, «Куочай ыччата» түмсүү чилиэнэ Н.Т.Васильева, Дьиикимдэ нэһилиэгин ыччат бэлиитикэтигэр исписэлииһэ В.А.Чарпыков, «АЛРОСА-Ньурба»ААУо экэнэмииҺэ Э.Н.Мярикянов наҕараадааланнылар.
Ыччат сылын анал ааттарынан бэлиэтэннилэр: «Ыччат бэлиитикэтин бастыҥ исписэлииһэ» — улуус дьаҺалтатын дьиэ кэргэн бэлиитикэтин кыл. исписэлииһэ Н.А.Капустина, «Сыл лиидэрэ» — 26 №-дээх баһаарынай сулууспа этэрээтин инструктора А.А.Камилова, «Сыл настаабынньыга» — «Ньурба эрэлэ» оҕо тэрилтэтин бэрэссэдээтэлэ С.Б.Борисова, «Айымньылаах личность» — Искусство оскуолатын хореографияҕа преподавателэ М.М.Семенов, «Ыччат сылын бастыҥ бырайыага» — Маалыкайдааҕы «Ситим» ыччат уопсастыбаннай тэрилтэтэ («Биһиги сылдьар уулуссаларбыт» социальнай бырайыагын иһин), «Сыл төлө көтөн тахсыыта» («Прорыв года») — «Легион-Ньурба» внедорожниктар кулууптара, «Бастыҥ уопсастыбаннай тэрилтэ» — «Куочай ыччата» тэрилтэ.
Улууспутугар судаарыстыбаннай ыччат бэлиитикэтин олоххо киллэриигэ ситиһиилээх үлэтин иҺин улуус ыччатын саамай үрдүк билиниитин бэлиэтэ — түөскэ анньыллар «Үрдэл — Ньурба улууһун ыччатын лиидэрэ» анал бэлиэ Антоновка орто оскуолатын саха тылыгар уонна литератураҕа учуутала, «Куочай ыччата» ыччат тэрилтэтин бэрэссэдээтэлэ Н.В.Егороваҕа туттарылынна.
Ньурба улууһугар Ыччат сылын тэрийэн ыытарга көмөлөспүт тэрилтэлэргэ улуустааҕы ыччат управлениетын махтал суруктара экология кэмитиэтин бэрэссэдээтэлэ А.А.Алексеевка, баҺаарынай сулууспа 2 №-дээх этэрээтин начальнигар М.К.Булкиҥҥа, СӨ БыыҺыыр сулууспатын Бүлүүтээҕи ПСО Ньурбатааҕы отделениетын начальнигар А.Р.Ноевка, «АЛРОСА-Ньурба» ААУо гендириэктэрэ И.Р.Султановка, «Ньурба улууҺун ыччатын өйүүр Сойуус» уопсастыбаннай тэрилтэ бэрэссэдээтэлэ В.Н.Семеновка, Оҕо научнай-тэхиниичэскэй айымньытын киинин дириэктэрэ Л.В.Андрееваҕа, эбии үөрэхтээҺин киинин дириэктэрэ А.Ф.Улиноваҕа туттарылыннылар.
Маны таһынан улуустааҕы ыччат управлениета спонсордарга: «Егоров А.Е.» ИП («Махтал» маҕаҺыын), «Васильев А.Н.» ИП («Васаби» суши-бар), «Копылова А.А.» («Амтан» маҕаҺыын), «Михайлов А.Н.» («Пятерка» маҕаҺыын) уонна бу баалы тэрийсэргэ көмөлөспүт А.А.Камиловаҕа, С.П.Яковлевка, Е.А.Евсееваҕа, «Кыталык» КД дириэктэрэ С.Б.Дондоковаҕа, М.В.Рожиҥҥа уонна КД кэлэктиибигэр махталын тиэрдэр. ТэрээҺин фуршетынан уонна уоттаах-күөстээх үҥкүүнэн түмүктэннэ.
Ньурба улууһун дьаһалтатын пресс-сулууспата.