Ньурба улууһугар айти-киин баазатыгар колл-киин үлэтин саҕалаана. Бу киин сүрүн соруга — Ньурба оройуоннааҕы балыыһатын миэдиктэрин үлэтин чэпчэтии.
Офис иһигэр Ньурба эпидемиологическай балаһыанньатын көрдөрөр экраны туруордулар. Оператордар икки симиэнэнэн атастаһа сылдьан үлэлииллэр. Кинилэр үлэлэрин оройуон салалтата уонна суһал ыстаап хонтуруолга тутар. Бу кииҥҥэ олохтоохтор доруобуйаларын туруга уларыйдаҕына, ыарыы сибикитэ билиннэҕинэ, поликлиникаҕа сатаан эрийэн тиийбэтэхтэринэ билсиэхтэрин сөп. Колл-киин түүннэри эмиэ үлэлиир.
Итиэннэ оператордар амбулаторнайдык эмтэнэр ыарыһахтарга икки күн буола-буола эрийэн, туруктарын билсэллэр, туохха наадыйалларын сураһаллар. Оттон көмөҕө наадыйбыт дьоҥҥо волонтердары ыыталлар эбит.
Инньэ гынан, Ньурбаҕа коронавирус дьаҥыгар сутуллубут дьону өйүүр, болҕомто аныыр, кыһалҕаларын бьыһаарар киин тиһиктээх үлэтэ саҕаланна.
edersaas.ru
+1
+1
+1
+1
+1
+1
+1