Кулун тутар ыйга Ньурба улууһугар социальнай көмүскэл управлениета мобильнай биригээдэ тэрийэн, ыраах сытар нэһилиэктэргэ үлэлээтилэр.
Манна “Мин докумуоннарым”, Дьарыктаах буолуу киинин, инбэлиит оҕолору чөлүгэр түһэрэр киин, «Сахамедстрах» уонна «Капитал МС» страховой хампаанньалар, нолуок инспекциятын, нотариус, улуустааҕы киин балыыһа быраастара Өҥөлдьө, Марха, Киров сэлиэнньэлэригэр үлэлээтилэр.
Ол курдук, Өҥөлдьөҕө 67, Кировка 40, Мархаҕа 73 киһи хабылынна. Кытыы нэһилиэк дьоно ыраата барбакка, араас докумуоннарын толорторор, судаарыстыбаннай өҥөнөн туһанар, кыһалҕаларын быһаартарар, доруобуйаларын көрдөрүнэр кыахтаннылар.
Мобильнай биригээдэ салгыы Хорула, Маар нэһилиэктэригэр үлэлээтэ. Хорулаҕа 52, Маарга 41 киһи хабылынна, барыта 65 консультация оҥоһулунна, 33 сайабылыанньа ылылынна.
Ангелина Васильева, “Саха сирэ” хаһыат, edersaas.ru
Хаартыска: СӨ Үлэ, социальнай сайдыы министиэристибэтин саайтыттан.