“Ну, погоди! Каникулы” элбэх сиэрийэлээх ойуу киинэни ахсынньы 17 күнүгэр көрдөрүөхтэрэ. Бу туһунан “Союзмультфильм” пресс-сулууспата иһитиннэрдэ.
“Ну, погоди. Каникулы” ойуу киинэ саҥа сиэрийэлэрэ ахсынньы 17 күнүгэр көстүөхтэрэ. “Лунапарк” диэн бастакы сиэрэйиэтин MAER медиахолдинг уулуссаҕа турар цифровой экраннарын ситимнэригэр көрдөрүөхтэрэ. Ону Москваҕа, Москва уобалаһыгар, Санкт-Петербурга, Алын Новгородка, Волгоградка, Самараҕа, Сочига, Тюмеҥҥэ, Екатеринбурга, Челябинскайга, Новосибирскайга, Пермьҥа, Уфаҕа турар 79 улахан медиаэкраннарынан көрүөхтэрэ”, — диэн киинэ устуудьуйатыгар кэпсээтилэр.
Атыы улахан кииннэригэр сылдьааччылар уонна ааһан иһэр дьон икки ураты сеансы 08:30 уонна 18:00 (Москва бириэмэтинэн) көрөр кыахтаахтар, бары экраннарга биир бириэмэҕэ саҕаланыаҕа. Эмиэ бу күн, ахсынньы 17 күнүгэр “Лунапарк”, “На чемоданах”, “Быстрее, выше, сильнее” уонна “Пляж” диэн ойуу киинэ түөрт саҥа көстүүтэ Okko киинэ сервиһин сурутааччыларыгар тахсыаҕа. Үс күн буолан баран “Карусель” уонна “Мульт” ханаалларга, ону тэҥэ, “Союзмультфильм” ВКонтакте официальнай аккаунугар көстүөҕэ.
“Союзмультфильм” дириэктэрдэрин сэбиэтин бэрэссэдээтэлэ Юлиана Слащева сериал бастакы көрдөрүүтэ киинэ устуудьуйатын саҥа устуоруйатыгар саамай эппиэтинэстээх уонна долгутуулаах диэн этэр. “Уонунан сыллар буолан баран биллиилээх дьоруойдар аныгы оҕолорго хатылыммат юмордарын, умсугутуулаах бэлиэлэрин, булугас, сытыы өйдөрүн бэлэхтээри экраҥҥа төннөллөр. Саҥа “Ну, погоди! Каникулы” – бу ааспыт уонна билиҥҥи кэм далаһата, дьиэ кэргэн бары тэлэбиисэр иннигэр мустар төрүөтэ” – диэн Слащева кэпсээтэ.
Хаартыска: https://kto-ozvuchil.ru/270-kto-ozvuchival-nu-pogodi