Дьокуускайга А.Е.Кулаковскай аатынан норуоттар доҕордоһууларын дьиэтигэр «Единение» норуоттары бииргэ түмэр бэстибээл IV төгүлүн ыытыллаары турар. Бу туһунан биһиэхэ пресс-сулууспаттан иһитиннэрдилэр.
—Өрөспүүбүлүкэтээҕи тэрээһин ахсынньы 14-15 күннэригэр ыытыллар. Норуоттар уус-уран тылларын, култуураларын байытарга, кэнчээри ыччат өрөспүүбүлүкэҕэ олорор бырааттыы норуоттар сиэрдэрин-туомнарын, үгэстэрин билэ-көрө, ытыктыы үөрэнэригэр тэрээһин сыала-соруга туһаайыллар.
Номинациялар:
- «Хореография» — эстраднай үҥкүү, джаз, модерн, үҥкүүнэн шоу, патриотическай үҥкүү.
- «Вокал» — биирдиилээн толорооччулар, дуэттар, триолар. Биирдии ырыаны толороллор. Ансамбллар уонна хордар иккилии ырыаны толороллор.
- «Художественнай тыл» — Арассыыйа, төрөөбүт дойду, норуоттар доҕордоһууларын туһунан хоһоону ааҕаллар. 3-5 мүнүүтэ.
- «Өбүгэ сиэрэ-туома» — өбүгэлэрин сиэрин-туомун эбэтэр национальнай бырааһынньыктан быһа тардан биир элемени төрөөбүт тылларынан, музыканан киэргэтиилээх театрализованнай көрдөрүү быһыытынан туруораллар. 10 мүнүүтэ.
- «Айар дьиэ кэргэн» -кыттааччылар 4 мүнүүтэттэн итэҕэһэ суох, утумнааччыларын пропагандалаан биир талбыт нүөмэрдэрин көрдөрөллөр. Ырыа, хоһоон, үҥкүү, сиэри-туому көрдөрүү, о.д.а.
- «Инструментальнай толоруу» — норуот үстүрүмүөннэрэ доҕуһуоллаах биир музыкальнай айымньыны толорон көрдөрөллөр.
- «Мода тыйаатыра» — биир кэллиэксийэҕэ 5 модельтан итэҕэһэ суоҕу көрдөрөллөр. Национальнай көстүүмү көрдөрүү устуоруйатыттан саҕалаан, анал бэлиэтигэр, хайдах бэлэмнэниллэригэр тиийэ сырдатыллыахтаах. 5 мүнүүтэттэн итэҕэһэ суох буолуохтаах.
- «Төрүттэр» — Арассыыйа биир норуотун, үгэһин, сиэрин-туомун, култууратын туһунан 3 мүнүүтэлээх художественнай видеоролик.
Кыттааччылар саастарынан хааччахтамматтар. Усунуос– биир киһиэхэ 500 солкуобай.
Сайаапкалар 2019 сыл ахсынньы 13 күнүгэр диэри ылыллаллар. 677000 г.Дьокуускай куорат, Поярков уул. 4, А.Е.Кулаковскай аатынан НДД. Төлөпүөн-факс 8 (4112) 32-80-77. Тэрийэр кэмитиэт төлөпүөнэ 32-85-76, электроннай почта culcentr@mail.ru, alexandradk@mail.ru
Тэрийээччилэр төлөпүөннэрэ: Александра Максимовна Сибирякова 8964-427-6774, Ольга Владимировна Аргунова 8914-104-4627, Александра Егоровна Старостина 8914-232-6060
Бэстибээл бырагыраамата:
Ахсынньы 14 күнэ.
9:00-10:30 регистрация. 10:30-11:00 бэстибээл үөрүүлээхтик арыллыыта (Улахан саала). 11:00-19:00 «Вокал» уонна«Художественнай тыл» номинациялар кыттыылаахтарын көрүү.
Ахсынньы 15 күнэ.
10:00-17:00 «Хореография» уонна «Мода тыйаатыра». 17:00 гала-концерт, кыайыылаахтары наҕараадалааһын (Улахан саала). «Төрүттэр», «Творческай дьиэ кэргэн», «Өбүгэ сиэрэ-туома», «Инструментальнай толоруу» сайаапка киллэриллибитинэн көрөн быһаарыллыа.