Тымныы полюһа Өймөкөөн улууһун землячествотын салайааччыта Александр Колесов «А.Е. Кулаковскай-Өксөкүлээх Өлөксөй аатынан Норуоттар доҕордоһууларын дьиэтэ» автономнай тэрилтэ генеральнай дириэктэрин норуоттар икки ардыларынааҕы сыһыаннаһыыларыгар бастакы солбуйааччынан ананна.
Александр Колесовы улуус баһылыга Иннокентий Сивцев эҕэрдэлээтэ: «Хас биирдии сонун саҕалааһыныҥ ситиһиилээх буоллун. Саҥаттан саҥа толкуй уонна дириҥ ис хоһоонноох бырайыак олоххо киирэн истин. Араас омук дьоно биир дьиэ кэргэн курдук түөлбэлээн олорор төрөөбүт Өймөкөөнүҥ улууһугар сүбэ-ама буолан, өйүү олороргор эрэнэбин», — диэн бэлиэтээтэ.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1