Доруобуйа Уопсастыба

Норуоттар доҕордоһууларын дьиэтигэр саха балаҕанын арыйдылар

Өксөкүлээх Өлөксөй аатынан Норуоттар доҕордоһууларын дьиэтигэр саха балаҕанын арыйыы үөрүүлээх сиэрэ-туома ыытылынна.

 

«Өбүгэм холумтана» экспозиция дьон болҕомтотун тарта. Балаҕан макетыгар саха иһитэ-хомуоһа, көмүлүөк оһох баар. Тэрийээччилэр манна саха норуотун былыргы үгэһин, бүгүҥҥү күннээҕи олоҕун, этнопедагогика, литературнай киэһэлэри, саха тылыгар уонна култууратыгар анаммыт биэриилэри устуохтара. Эҕэрдэ уонна баҕа санаа үтүө тылларын тэрилтэ генеральнай дириэктэрэ  Антонида Корякина , «Симэх» норуот айар киинин дириэктэрин солбуйааччы Дмитрий Осипов эттилэр.
«Өбүгэм холумтанын» экспэнээттэрин сыыйа кэҥэтэн иһиэхтэрэ. Былыр былыргыттан саха балаҕана киһиэхэ сылаас тыыны саҕар дьиэнэн буолар. Онон мантан инньэ Өксөкүлээх Өлөксөй аатынан Норуоттар доҕордоһууларын дьиэтигэр саха балаҕана тэрилтэни сылаас холумтанныа, сонунтан сонун сүүрээни олоххо киллэриэҕэ.

 

Елена ПОТОЦКАЯ Саха сирэ хаһыат, edersaas.ru

0
0

Добавить комментарий