Норуоттар доҕордоһууларын дьиэтэ уонна култуура кэллиэһэ бииргэ үлэлииллэр
А.Е.Кулаковскай аатынан норуоттар доҕордоһууларын дьиэтэ уонна А.Д.Макарова аатынан култуура кэллиэһэ бииргэ үлэлииргэ сөбүлэһиигэ илии баттаатылар.
Илии баттааһынын долгутуулаах чааһыгар кэллиэс дириэктэрэ Захар Никитин уонна норуоттар доҕордоһууларын дьиэтин дириэктэрэ Антонида Корякина кытыннылар. Кэллиэс пресс-сулууспата иһитиннэрэринэн, бу икки тэрилтэ бииргэ кыттыһан үлэлээбиттэрэ ырааппыт. А.Е.Кулаковскай аатынан норуоттар доҕордоһууларын дьиэтин сыанатыгар кэллиэһи бүтэрээччилэр үөрэхтэрин түмүктүүр долгутуулаах кэнсиэртэрэ үгэс курдук өрө көтөҕүллүүлээхтик ыытыллааччы.
Захар Никитин Антонида Николаевна Корякинаны кытары кэллиэс Туймаада Ыһыаҕын бэлэмнээһиҥҥэ ыкса үлэлэһэрин, бу устудьуоннар быраактыкаларын баралларыгар тирэх буоларын бэлиэтээбит.
+1
+1
+1
+1
+1
+1
+1