“Норуот бүддьүөтүгэр” бастыҥ бырайыактар талыллыахтара

Ааптар: 
Бөлөххө киир:

Дьокуускай куорат баһылыгын экономика уонна үп боппуруостарыгар солбуйааччы Михаил Воробьев салайааччылаах “Норуот бүддьүөтэ-2019” бырайыагы олоххо киллэрии хамыыһыйатын мунньаҕа олунньу 1 күнүгэр Курашов аатынан уулусса 24 нүөмэрдээх дьиэтигэр, Уопсастыбаннай кииҥҥэ, күнүс 2 чаастан ыытыллыаҕа.

edersaas.ru


Хамыыһыйа “Норуот бүддьүөтэ” бырайыак граннарын куонкуруһугар киирбит 131 сайаапкаттан 47 бастыҥ сайаапканы талан, кэлэр сайын олоххо киллэриэҕэ. Санатан эттэххэ, сайаапкалар ааспыт сыл балаҕан ыйыттан сэтинньигэ диэри хомуйуллан, хайысхаларынан оробуочай хамыыһыйаларга бэриллибиттэрэ. Ол курдук, уопсастыбаннай эбийиэктэри тутууга, саҥардыыга анаммыт “Биһиги киин куораппыт” хайысханан 25, дьон сынньанар сирин тупсарыыга, көҕөрдүүгэ 35, үөрэтэр, култуурунай уонна спортивнай дьаһалларга 41, социальнай уонна волонтерскай аахсыйалары тэрийиигэ 30 сайаапка киирбитэ. Куорат дьокутааттарыттан, дьаһалта тустаах салааларын исписэлиистэриттэн састааптаах хамыыһыйа олортон үчүгэйдэрэ диэбиттэрин талан, сарсыҥҥы мунньахха өссө кытаанах сүүмэрдээһиҥҥэ биэрдэ. Мунньах куорат якутск.рф. сайтыгар онлайнынан быһа бэриллиэҕэ диэн куорат дьаһалтатын уопсастыбаннаһы кытары үлэҕэ салаата иһитиннэрдэ.

Раиса СИБИРЯКОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0