«Саха сирин киэн туттуута» бириэмийэ «Норуот маастара» номинациятын финалистарын талыы куоластааһына ыам ыйын 14 күнүгэр саҕаланыаҕа.
edersaas.ru
Бу күннэргэ «Сахамедиа» холдинг бырайыагар эппиэттээх дьон куоластааһыҥҥа кыттыан баҕалаах дьонтон, норуот маастардарын кытыннарыахтарын баҕарааччылар аймахтарыттан, табаарыстарыттан, уопсастыбаннай тэрилтэлэртэн, искусство кииннэриттэн уонна култуура управлениеларыттан сайаапкалары ылан эрэллэр. Норуот маастара 18-тан үөһэ саастаах ханнык баҕарар эйгэттэн буолуон син — иистэнньэҥ, тимир-мас ууһа, муосчут уо. да. а.
Куоластааһыҥҥа кыттааччылар сайаапкаларын ыам ыйын 11 күнүгэр диэри gordost-yakutii@mail.ru электроннай почтаҕа ыытыҥ. Сайаапкаҕа 500 х 760 кээмэйдээх хаартысканы угаҕыт. Хаартыскалар YSIA.RU саайтка тахсыахтара.
Куоластааһыҥҥа кыайбыт «Норуот маастара» номинация дьоруойун аата ыам ыйын 25 күнүгэр биллиэҕэ.
Саха норуотугар «Норуот маастара» курдук ааттаах-суоллаах үгүс киһи, бука, суоҕа буолуо. Кытаатыҥ, билэр дьоҥҥутун бу суолталаах куонкуруска кытыннаран, өрөспүүбүлүкэ олохтоохторун сэҥээриитигэр тахсарга кыахта биэриҥ.
Елена ПОТОЦКАЯ, «Саха сирэ» хаһыат, edersaas.ru