СӨ Ыччат дьыалаларыгар уонна социальнай коммуникацияларга министиэристибэтэ тохсунньу 25 күнүттэн олунньу 8 күнүгэр диэри норуодунай дружиналары үлэлэтиигэ судаарыстыбаннай бүддьүөттэн олохтоох бүддьүөттэргэ субсидияны биэриигэ сүүмэрдээһини ыытыыга сайаапкалары хомуйар.
Сайаапкалары маннык аадырыһынан хомуйаллар: Дьокуускай куорат, Ленин проспегын 30 нүөмэрдээх дьиэтэ, 412 кэбиниэт (үлэ кэмигэр 09.00 — 18.00 ч.). Сайаапкалары почтанан уонна электроннай докумуонунан эмиэ ылаллар.
Субсидия муниципальнай тэриллиилэргэ норуодунай дружиналары үлэлэтиигэ ороскуоттарын толуйууга бэриллэр. Ол курдук маннык ороскуоттарга:
а) Биир чаас үлэ иһин – 100 солкуобай;
б) Анал үлэ таҥаһын, норуодунай дружинник дастабырыанньатын, анал бэлиэни, дружинник үлэтигэр наадалаах тэриллэри атыылаһыыга.
Куонкурус кыттааччылара: куорат уонна тыа сирин поселениелара, өрөспүүбүлүкэ куораттааҕы уокуруктара.
Сиһилии иһитиннэриини https://minmol.sakha.gov.ru/ киирэн «Профилактика правонарушений» салааҕа киирэн көрүҥ. Билсэр төлөпүөн: 7 (4112) 507-129.
edersaas.ru
Хаартыска