Маны аах Уопсастыба

Норуодунай дьокутааттары кытары ханнык күннэргэ көрсүөххэ сөбүй?

СӨ Судаарыстыбаннай Мунньаҕын (Ил Түмэн) бэрэссэдээтэлэ Алексей Еремеев тохсунньу 21 күнүнээҕи дьаһалынан, 2022 сыл бастакы аҥаарыгар дьокутааттар тус көрсүһүүлэрин графига бигэргэтилиннэ.

 

Тохсунньу 25 күнүгэр бүддьүөккэ, үпкэ, нолуок уонна сыана бэлиитикэтигэр, бас билии уонна приватизация боппуруостарыгар сис кэмитиэт бэрэссэдээтэлэ Ю.М.Николаев уонна экэниэмикэ, инвестиция уонна бырамыысыланнай бэлиитикэҕэ cис кэмитиэт бэрэссэдээтэлэ П.П.Петров видео-кэмпэриэнсийэ эрэһииминэн көрсүһүөхтэрэ.

Тохсунньу 26 күнүгэр тутууга, дьиэ-уот, коммунальнай хаһаайыстыбаҕа уонна энергетикаҕа сис кэмитиэт бэрэссэдээтэлэ Я.А.Ефимов уонна предпринимательствоҕа, туризмҥа уонна инфраструктура сайдыытыгар сис кэмитиэт бэрэссэдээтэлэ И.И.Григорьев нэһилиэнньэни кытары тус көрсүһүүнү ыытыахтара.

Тохсунньу 27 күнүгэр судаарыстыбаннай тутууга уонна олохтоох бэйэни салайыныыга сис кэмитиэт бэрэссэдээтэлэ В.М.Прокопьевы, доруобуйа харыстабылыгар, социальнай көмүскэлгэ, үлэҕэ дьарыктаах буолууга бастайааннай кэмитиэт бэрэссэдээтэлэ В.Чичигинаровы, сиргэ сыһыаҥҥа, айылҕа ресурсаларыгар уонна экологияҕа сис кэмитиэт бэрэссэдээтэлэ С.М.Афанасьевы кытары тус көрсүһүүгэ суруйтарыахха сөп.

Бу күн  СӨ Судаарыстыбаннай Мунньаҕын (Ил Түмэн) бэрэссэдээтэлэ А.И.Еремеев тус көрсүһүөҕэ.

Олунньу 1 күнүгэр тыа сиригэр уонна аграрнай бэлиитикэҕэ сис кэмитиэт бэрэссэдээтэлэ А.М.Находкин, наукаҕа, үөрэхтээһиҥҥэ, култуураҕа, сонуну киэҥник тарҕатар сириэстибэлэргэ уонна уопсастыбаннай тэрилтэлэр дьыалаларыгар сис кэмитиэт бэрэссэдээтэлэ Ф.В.Габышева, ыччакка, физическэй култуураҕа уонна спорка сис кэмитиэт бэрэссэдээтэлэ М.Д.Гуляев, дьиэ кэргэн уонна оҕо аймах дьыалаларыгар сис кэмитиэт бэрэссэдээтэлэ А.Н.Атласова гражданнары көрсүөхтэрэ.

Олунньу 2 күнүгэр итинник көрсүһүүлэр Хотугу сир аҕыйах ахсааннаах төрүт норуоттарын боппуруостарыгар уонна Арктика дьыалаларыгар сис кэмитиэт бэрэссэдээтэлэ Е.Х.Голомареваҕа, мандаат уонна регламент хамыыһыйатын бэрэссэдээтэлэ А.Ю.Николаевка ыытыллыахтара.

Олунньу 3 күнүгэр СӨ Судаарыстыбаннай Мунньаҕын (Ил Түмэн) бэрэссэдээтэлин бастакы солбуйааччы А.Н.Жирков, бэрэссэдээтэли солбуйааччылар А.А.Григорьева уонна В.Н.Губарев көрсүөхтэрэ.

Тус көрсүһүүгэ кыттыан баҕалаахтар СӨ Судаарыстыбаннай Мунньаҕын (Ил Түмэн) уопсастыбаннай приемнайыгар (Дьокуускай к., Ярославскай уул. 24/1 дьиэтэ, 105 кэбиниэт эбэтэр gs@iltumen.ru интэриниэт-приемнайыгар эбэтэр https://iltumen.ru/reception Судаарыстыбаннай Мунньах официальнай сайтыгар суруйтарыахха сөп. Онуоха ааккытын-суолгутун ыйан, ыйытыыгытын ыйан туран, сайаапката түһэриҥ.
Сиһилии иһитиннэриини ыларга парламент уопсастыбаннай приемнайыгар 8 (4112) 43-52-44 эрийэн билсиэххэ сөп.

Надежда ЕГОРОВА, «Саха сирэ», edersaas.ru

0
0
Telegram @edersaas20