Бүгүн, ыам ыйын 1 күнүгэр, Дьокуускай куоракка номоххо киирбит «1000 мелочей» маҕаһыын аанын тэлэччи арыйда. Дьон-сэргэ олус диэн астыммыт, үөрбүт. Эмиэ да сөп ээ, номоххо киирбит, ураты маҕаһыын этэ буоллаҕа.
«1000 мелочей» 1950 сыллаахха тутуллан үлэҕэ киирбит, ити кэмҥэ Дьокуускай куорат үрдүнэн хаһаайыстыбаннай анал маҕаһыын быһыытынан суос-соҕотох эбит. Алта этээстээх саҥа дьиэни тутуу 2010 сыллаахха саҕаланан баран, 2012 сыллаахха үлэҕэ киириэхтээх этэ эрээри, болдьоҕо уһаан-тэнийэн барбыта. Өссө эбиитин бу тутуу кыһалҕалаах эбийиэктэр испииһэктэригэр кытары киирбитэ. 11 сыл кэнниттэн 2021 сылга маҕаһыын туох баар силигэ сиппитэ. Дьэ уонна бүгүн аанын тэлэччи арыйда.
+1
+1
+1
+1
+1
+1
+1