Нолуогу биир кэлимник төлөөһүн табыгастаах дуо?

Ааптар: 
25.11.2020
Бөлөххө киир:

Нолуок иһин төлөбүрү эрдэттэн ыытыахха сөп дуо? Кимиэхэ нолуок кумааҕыта кэллэ? Дьааһыкка уктулар дуо? Биир кэлим төлөөһүн диэн тугуй?

edersaas.ru

Маннык ыйытыыны Аппа уҥуор баар элбэх кыбартыыралаах дьиэ олохтооҕо биэрдэ.

Дьокуускай олохтооҕун ыйытыытыгар Арассыыйа ФНС СӨ 5 №-дээх  оройуоннар икки ардыларынааҕы  иниспиэксийэтиттэн маннык харда кэллэ:

— Баайга-дуолга нолуогу төлүүр болдьох ыган кэллэ. Итини сэргэ бу үөскээбит эпидемиологическай балаһыанньанан нолуоктаргытын www.nalog.ru саайтынан “Уплата налогов и пошлин” сервис нөҥүө  төлүүргүтүгэр сүбэлиибит.

Бу сервис нолуогу онлайн төлүүр уонна тус кэбиниэт (личный кабинет) пароля суох төлүүр кыаҕы үс ньыманан биэрэр: төлүүр реквизиттэри бэйэҥ толорон баран, нолуоктаргын докумуон индексинэн төлүүгүн уонна нолуоктары биир кэлим нолуок төлөбүрүнэн (единый налоговый платеж).

Биир кэлим нолуок төлөбүрэ электроннай көһүлүөккэ маарынныыр, тоҕо диэтэххэ, нолуок төлүүр киһи бэйэтин баҕа өттүнэн уонна эрдэттэн  (нолуок туһунан иһитиннэрии тута илигинэ) нолуоктары төлүүр харчытын ыытыан сөп. Маны “абаанса көһүлүөгэ” диэн ааттыахха сөп. Көһүүөккэ төлөөччү нолуогун төлөбүрдэрин уонна иэһин харчытын угар.

Усунуоһу сыл ханнык баҕарар кэмигэр ыытыахха сөп. Онуоха “Личный кабинет налогоплательщика для физических лиц” сервис сүрүн сирэйигэр “Кошелек” диэн ссылка баар. Биир кэлим төлөбүр ньымата диэн сыл устата хаста даҕаны нолуоккут төлөбүрүгэр харчыгытын уган кэбиһэҕит. Көһүлүөккүтүн хаста баҕар толоруоххутун сөп, төһө сууманы угаргыт уонна харчыны ыытар кээмэй хаарчахтаммат.

Төлөбүр киирбитин нолуок уорганнара бэйэлэрэ бэлиэтииллэр, туох-ханнык иннинэ, өскөтүн иэс баар буоллаҕына харчыны нолуок иэһин сабыыга ыыталлар. Оттон ордубут харчыгыт “абаанса көһүлүөгэр” хараллан, нолуоктары төлүөххүтүгэр диэри тыытыллыбакка сытар. Ыытыллыбыт, оҥоһуллубут дьайыылар (операциялар) тустарынан төлүүүр киһиэхэ иһитиннэрэллэр уонна тус кэбиниэккитигэр да барыта ырылхайдык көстөр.

Маныаха иэскит суох буоллаҕына, ааҕыллыы (зачет) төлүөхтээх төлөбүргэр 10 күн иһигэр ааҕыллыаҕа:

— нолуогу төлөөччүгэ нолуок туһунан иһитиннэриини ыыппыт күннэриттэн, өскөтүн биир кэлим нолуок төлөбүрэ эрдэ төлөммүт буоллаҕына;

— РФ бүддьүөтүгэр биир кэлим нолуок төлөбүрэ киирдэҕинэ, өскөтүн туһааннаах төлөбүр РФ нолуокка иһитиннэриитэ ыытыллыбытын кэннэ оҥоһуллубут буоллаҕына.

Тустаах электроннай сервис паролларын кыайан ылбакка хаалбыт уонна хамсыгынан сибээстээн нолуок сулууспатыгар кыайан кэлбэт дьоҥҥо аналлаах.

Бэлэмнээтэ Женни Стрюкова, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0