Ыам ыйын 19 күнүгэр 203 оройуоҥҥа тутулла турар 550 миэстэлээх “Айыы кыһата” оскуола эбийиэгин этээстэр икки ардыларынааҕы сабыытын билиитэтэ сууллубут. Ити туһунан Дьокуускай куорат уокуругун дьаһалтатын Уопсастыбаннаһы уонна сонуну киэҥник тарҕатар сириэстибэлэри кытта сибээскэ Департамена иһитиннэрэр.
Сууллуу төрүөтүн туһунан “Газстроймонтаж” хампаанньа территориальнай подразделениетын начаалынньыга Андрей Урум: “Бетоннааһын саҕаланыытыгар көмө баҕаната (опалубка) уйбата. Дьиҥэр, барыта бырайыак ирдэбилин быһыытынан оҥоһуллубута. 23 кубометр бетон тоҕунна. Үс күнүнэн төрүөтүн быһаарыахпыт уонна үлэни салгыахпыт”, — диэн быһаарбыт. Итиэннэ, бу түгэн оскуола кэмигэр үлэҕэ киириитин атахтаабат диэн эппит.
Санатан эттэххэ, аҕыйах хонуктааҕыта Дьокуускай куоракка тутулла турар 25-с нүөмэрдээх оскуола конструкцията сууллубута.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1