«Демография» национальнай бырайыак иитинэн Амма улууһугар Өнньүөскэ уһуйаан тутуллуо.
Уһуйаан «Содействие занятости женщин — создание условий дошкольного образования для детей в возрасте до трех лет» эрэгийиэн бырайыагын көмөтүнэн тутуллар.
СӨ Бырабыыталыстыбатын Бэрэссэдээтэлэ Андрей Тарасенко Аммаҕа үлэтинэн тиийэ сылдьан, Өнньүөскэ уһуйаан тутуутун билистэ.
75 оҕо сылдьарыгар анаммыт оҕо саадын быйыл бүтэрэн үлэҕэ киллэрэр былааннаахтар. Бу туһунан Амма улууһун баһылыга Николай Архипов эттэ.
Тэхиньиичэскэй бэдэрээччит «Тутуу дириэксийэтэ» ИСФ ХЭУо иһитиннэрбитинэн, тутуу көхтөөхтүк салҕанар, үлэҕэ наадалаах матырыйааллар аҕалыллыбыттар. Былаһааккаҕа 12 киһи үлэлиир. Маныаха СӨ премьерэ ордук олохтоох каадырдартан эбии үлэһит күүһү ылаллара наадатын бэлиэтээтэ.
Туспа уот-күөс ситимин, уунан хааччыйыы, канализация, вентиляция оҥоһуутун боппуруостарын көрдүлэр.
Тутуу үлэтэ 2020 сыллаахха саҕаламмыта, ол эрээри, пандемияттан сылтаан ылыллыбыт хааччахтыыр миэрэлэринэн, кыраапыкка уларытыы киирбитэ. Оттон быйыл саас кулун тутартан тутуу көхтөөхтүк сөргүтүллүбүтэ, саҕаламмыта.
+1
+1
+1
+1
+1
+1
+1