Ойуур баһаарыттан эмсэҕэлээбит Бэс Күөлүгэр Бүтүн Арассыыйатааҕы “Ойууру харыстыаҕыҥ” Бүтүн Арассыыйатааҕы аахсыйа буолан ааста.
СӨ Ил Дарханын уонна бырабыыталыстыбатын пресс-сулууспата иһитиннэрбитинэн, суолталаах тэрээһиҥҥэ спортивнай диэйэтэл, Госдуума экологияҕа, тулалыыр эйгэни харыстааһыҥҥа кэмитиэтин бэрэссэдээтэлин бастакы солбуйааччы Николай Валуев кыттыыны ылла.
— Аахсыйаҕа элбэх оҕо кыттыбыта кэрэхсэбиллээх. Манна кинилэр төрөппүттэрин кытта кэлэн, олордубут тииттэрин көрө-истэ сылдьыахтара. Кэнэҕэс төрөөбүт нэһилиэктэригэр бу курдук араас тиити-маһы олордон, төрөөбүт түөлбэлэрин харыстыы улаатыахтара, — диэн бэлиэтээтэ спортивнай диэйэтэл.
Вице-премьер, оперативнай ыстаап салайааччыта Дмитрий Бердников иһитиннэрбитинэн, 2021 сылга “Экология” национальнай бырайыак чэрчитинэн 620 кв.км мас олордуллуохтаах.
Ил Дархан Айсен Николаев: “Бу аахсыйа – саҕалааһын үлэ. Ойууру чөлүгэр түһэрии үлэтин маннык аахсыйа чэрчитинэн Дьокуускайга уонна өрөспүүбүлүкэ араас улуустарыгар ыытыахпыт”, — диэн бэлиэтээбитэ.
Елена ПОТОЦКАЯ, “Саха сирэ” хаһыат, edersaas.ru
Хаартыска — СӨ Ил Дарханын уонна бырабыыталыстыбатын саайтыттан.