Николай Тарасов: “Племенной сылгыны элбэтии бырагырааматынан убаһа ыллыбыт”

Ааптар: 
Бөлөххө киир:

Тыа хаһаайыстыбатын сайыннарыыга көрүллэр көмө көдьүүстээх буолуутун үгүс холобурдартан көрүөххэ сөп.

“Ыйылас” ТХПК  баһылыга Николай Николаевич Тарасов Үөһээ Бүлүү улууһун Сургуулук нэһилиэгэр бааза тэринэн эрэрин туһунан маннык кэпсээтэ:

Сургуулук нэһилиэгэр бааза тэринэн эрэбит. Икки сыл “Агростартапка” кыттан баран, ылбатахпыт. Онон былырыын племенной сылгыны элбэтии бырагырааматынан 100 убаһаны ыларбытыгар үп  көрөннөр, убаһалары ыллыбыт. Тыа хаһаайыстыбатын министиэристибэтэ итинтэн 98 бырыһыанын уйунар, 2 бырыһыаны бэйэбититтэн биэрэбит. Онон бу өйөбүлү туһанан Илин эҥэр Амма, Чурапчы улуустарыттан убаһалары ылан, массыынанан этэҥҥэ тиэйэн аҕаллыбыт.

Тиэйэн аҕалыы диэн эмиэ сүрдээх эппиэтинэстээх буоллаҕа. Түгэнинэн туһанан СӨ Тыа хаһаайыстыбатын министиэристибэтигэр (миниистир А.Атласов) махтанабыт. Аара айаннаан иһэн Бүлүү Дьөккөнүгэр баар “Лүксүгүн” сайылыкка тохтоон, убаһаларбытын сынньатан аастыбыт. Ол иһин көмөлөспүт Сидор Ионов бааһынай хаһаайыстыбатыгар эмиэ махталбыт муҥура суох. Икки рейси оҥорбуппутугар маннык тохтотон, сынньатан абыраатылар. Өссө төннөн истэхпитинэ Горнайга  бэтэринээрдэр кэлэн убаһаларбытыгар укуол туруоран абыраатылар. Уһун айаны итинник этэҥҥэ кэлбиппит кэннэ бэйэбит бэтэринээрдэрбит эмиэ анаалыс эҥин ылан, араас бэйэлэрин чинчийиилэрин ыыттылар. Сылгыны иитиинэн саҥа саҕалаан дьарыктанан эрэр дьоҥҥо наука дуоктара Никита Архипов көмөтө эмиэ баһаам. Инникитин бачча ылбыт көмөбүтүн сөпкө туһанан, сылгыбытын элбэппит киһи диэн былааннаахпын. Оттуур сир, мэччирэҥ баар. Ону таба туһаныахтаахпыт. Улууспут дьаһалтатыгар, чуолаан, баһылыкпыт Владимир Поскачиҥҥа, тыа хаһаайыстыбатын управлениетын начаалынньыгар Сергей Ивановка эмиэ өйөбүллэрин иһин махтанабын.

Бэлэмнээтэ Женни Стрюкова

Хаартысканы: Н.Тарасов ыытта

+1
0
+1
0
+1
0
+1
0
+1
0
+1
0
+1
0