Саха уола Николай Степанов «Красиво.ДВ» бэстибээл кыайыылааҕынан буолла

Фотограф, видеограф Николай Степанов үлэтэ «Красиво.ДВ» онлайн-бэстибээлгэ Гран-при буолла. Кини устубут «Якутский холод» диэн видео-ролига бэстибээл сүрүн бирииһинэн — 300 тыһыынча солкуобайынан наҕараадаланна.

Николай Степанов куонкурус биэс номинациятыттан түөрдүгэр кыттыбыт. Хас биирдии хайысхаҕа Сахабыт сирин ураты кэрэтин видеоҕа устан үйэтиппитин ыыппыт. Кини этэринэн, Дьокуускай туһунан устубут видеота кыайарыгар эрэммит эбит. Бу видеоны хас да күн устубут. Ол эрээри, Сахабыт сирин тымныытын туһунан устубут видеотын дьүүллүүр сүбэ уонна көрөөччү быдан үрдүктүк сыаналаабыт. Николай киниэхэ куоластаабыт биир дойдулаахтарыгар махтанар.

«Николай үлэлэрэ — бэстибээл сүрүн санаатын таптылар. Идэтийбит дьүүллүүр сүбэ санаатын таһынан көрөөччү санаата эмиэ учуоттанар«, — диэн бэстибээл директора Алексей Коропскай бэлиэтиир.

Николайы кыайыыга кынаттаабыт үлэтин көрүҥ:

edersaas.ru

Хаартыска — yakutiamedia.ru саайтан.