Николай Старостин: «Бары бииргэ, биир сомоҕо буолан бу дьаҥы кыайыахпыт»
Былырыын, кулун 17 күнүгэр, Дьокуускайдааҕы килиниическэй балыыһаҕа өрөспүүбүлүкэҕэ аан маҥнайгынан коронавирустаабыт ыарыһах киирбитэ. Ыарыы Саха сиригэр тарҕаныаҕыттан номнуо биир сыл ааста. Бэҕэһээ Ил Дархан Айсен Николаев Саха сирин олохтоохторугар анал этиилээх тахсыбыта.
— Бу ааспыт сыл устата Covid-19 дьаҥа биһигини барыбытын тулуурдаах буолууга улаханнык тургутан көрдө. Күүстээх санаалаах, түмсүүлээх, бэйэ-бэйэбитин өйөһөр буоламмыт, хаһан да көрсүбэтэх моһоллорбутун туоран эрэбит. Чэбдигирии сылыгар биһиги өссө ордук сомоҕолоһон, бары дьоммут туруктарыгар ураты харыстабыллаах сыһыаны олохтуохпут.
Күнду биир дойдулаахтарым! Эһиги эр санааҕыт уонна өйөбулгүт иһин эһиэхэ ис сүрэхпиттэн махтанабын. Барыгытыгар кытаанах доруобуйаны, бигэ туругу баҕарабын, — диэн Айсен Сергеевич Саха сирин олохтоохторугар туһаайан эппитэ.
Күнду биир дойдулаахтарым! Эһиги эр санааҕыт уонна өйөбулгүт иһин эһиэхэ ис сүрэхпиттэн махтанабын. Барыгытыгар кытаанах доруобуйаны, бигэ туругу баҕарабын, — диэн Айсен Сергеевич Саха сирин олохтоохторугар туһаайан эппитэ.
Ил Дархан этиитин кэнниттэн улуус баһылыктара санааларын үллэһиннилэр. Мэҥэ Хаҥалас улууһун баһылыга Николай Старостин инстаграмҥа:
— Бүтүн аан дойдуну аймаабыт ыарыыны утары охсуһарга бары күүһү суһаллык түмэ тардарга өрөспүүбүлүкэ салалтата сөптөөх дьаһалы ылынан, дьоһун көмө оҥорон ыарыыга ылларбыт дьон ахсаана аҕыйыы турар. Бары бииргэ, биир сомоҕо буолан бу дьаҥы кыайыахпыт, — диэн суруйда.
edersaas.ru
Хаартыска http://ysia.ru
+1
+1
+1
+1
+1
+1
+1