Маны аах Успуорт

Николай Смирников: «Буулдьанан ытыыга күрэхтэһии балаһыанньата уларыйа турар»

Тулуна сэлиэнньэтигэр өрөспүүбүлүкэ кыраҕы харахтаах бэргэн ытааччылара мустан, буулдьанан ытыы күрэхтэһиитэ саҕаланна.

Барыта 24 хамаандаҕа 93 спортсмен кыттар.

Чурапчыттан буулдьанан ытыыга алта спортсмен кыттар. Тириэньэр Николай Смирниковтыын кэпсэппиппэр:

— Күрэхтэһии саҕаланна. Түмүк бүтэһик киһи ытан бүттэҕинэ биллэр. Бу ытыы сүрдээх моһуоктаах дьыала. Киһи эрдэттэн тымтыктанан билбэт. Онон күрэхтэһии бүтүүтүн кэтэһэбит. Спортивнай саалабыт үчүгэй гынан баран, вентиляция мөлтөх. Онон ытааччыларга ыарахаттардаах буолууһук. Олус  тиритэллэр, сылааһа бэрт.  Мин Намҥа уонна Аммаҕа ыытыллыбыт оонньууларга хамаандалары бэлэмнээбитим. Намҥа үһүс буолбуппут, Аммаҕа  бастаабыппыт. Бу сырыыга дьэ уустуктардаах. Күрэхтэһии балаһыанньата да, ытар дьоммут да уларыйа тураллар, — диэтэ.

 

edersaas.ru

0
0
Telegram Whatsapp