СӨ Култуура уонна устуоруйа эбийиэктэрин харыстыыр департамены салайар Николай Макаров Арассыыйа уонна Украина сыһыаннаһыыларыгар санаатын үллэһиннэ:
—Бу билигин буола турар быһыы-майгы, балаһыанньа күн бэҕэһээ үөскээбит буолбатах. Бу өр сыллаах Аан дойдуга буола турар хамсааһыннар көстүүлэрэ. Билигин Аан дойдуну атыйахтаах уу курдук аймаабыт быһыы-майгы буола турар кэмигэр, биһиги дойдубут салайааччылара сымнаан биэрэн, ханна эрэ чугуйан, ханна эрэ позициябытын сымнатан куотунан биэриэхтээх этибит диир, бука, сыыһа буолуо. Ким эрэ тохтоло суох көмүскэммэтэҕинэ, бэйэтин интэриэһин туһугар турууласпатаҕына урут эбэтэр хойут, улуу дойду быһыытынан сүтэр-симэлийэр турукка тиийэр.
Биллэн турар, Арассыыйа курдук сүдү судаарыстыба дьону-сэргэни көмүскээбэккэ туора турар санаата суох. Онон Украинаҕа буола турар балаһыанньаҕа дьону-сэргэни күөмчүлүүр, эбиитин тохтоло суох сэриинэн суоһурҕанар, куттуур кэмнэригэр, кыттыһыы, көмүскээһин, дьон этэҥҥэ олорорун туһугар туруулаһыы бу биллэ-көстө сатааһын буолбатах. Бу ил-эйэ туһугар туруулаһыы. Улахан, ырааҕы быһаарсыылаах кэмҥэ дойдубут салалтатын кытта бииргэ буолуохтаахпыт, дойдубут ыытар бэлиитикэтин өйүөхтээхпит дии саныыбын.